Ellinor Lund saman med borna Fredrik, Thomas og Nikolai hadde søndag tenkt seg på ein gåtur. Bak Hovdebygda stadion oppdaga brørne at rumpetrolldammen neste var heilt tom for vatn.
Dei tenkte at dei måtte gjere eit forsøk på å redde rumpetrolla, og fann heldigvis ein dam litt lenger inne i skogen der det framleis var mykje vatn. Det vart ein rask tur heim att for å hente bøtte og spade før redningskajsonen tok til.
Så starta arbeidet med å flytte rumpetrolla frå den uttørka dammen, gjennom skogen og over i den nye dammen.
- Vi klarte nok ikkje å redde alle, men vi har flytta tusenvis, seier brørne Fredrik, Thomas og Nikolai.
No vonar dei at rumpetrolla vil klare seg, og brørne seier at dei vil sjå etter rumpetrolla og følgje med utviklinga vidare.