Ørsta kyrkje:

Ein person pågripen etter brann

Nyheiter

Laurdag ettermiddag ved 17-tida rykka naudetatane ut til ei melding om brann ved Ørsta kyrkje.

Politiet melder at ein person er pågripen nærleiken av staden, mistenkt for å ha sett på brannen.

Det var vitneskildringar frå fleire personar som gjorde at politiet kunne pågripe personen så raskt.

Augevitne

Augevitne Oddvar Vatne seier til Møre-Nytt at det var fyr i både døra og ei dørmatte ved inngangspartiet. Vatne fekk dørmatta vekk frå inngangspartiet. Ei kvinne tok bilde av gjerningspersonen og bilen hans, og varsla politiet.

Møre-Nytt får opplyst at gjerningspersonen sannsynlegvis brukte ei brennbar væske til å sette fyr på inngangspartiet, mest truleg bensin.

Vi får også opplyst at personen skal ha vorte pågripen ved Ørsta småbåthamn.

Den pågripne er ein mann i 30-åra med bustadadresse i Ørsta, skriv smp.no. Politiet opplyser laurdag kveld at han førebels blir teken hand om av helsepersonell.

LES OGSÅ: Oddvar var med på å berge kyrkja

Skadar på inngangspartiet

Brannen vart raskt sløkt. Det skal vere skadar på inngangspartiet til kyrkja etter brannen, først og fremst på inngangsdøra.

110-sentralen takkar publikum for at brannen vart sløkt så raskt.

- Det var iherdig innsats frå folk på staden med pulverapparat. Brannvesenet tok seg av ettersløkking og kontroll av brannen

NRK Møre og Romsdal melder at den pågripne personen er heimehøyrande i Ørsta, men at politiet førebels ikkje har identifisert han.

Både Ørsta brann og redning og Volda brann og redning er på staden. Volda brann og redning bistår med å lufte ut branngassar frå kyrkja.

Laurdag kveld opplyser politiet at det er skadar på inngangspartiet på kyrkja, i tillegg til røykskadar inne i kyrkja, mellom anna på ei altertavle og på kyrkjesølv.