Feiande flott jubileumskonsert med Ø. B. Brass

Då Nils Sigurd Johnsen for vel seksti år sidan starta opp med det som best kunne kallast ein gutemusikk med hovudsete på Ørsta Bedehus, var han meir enn framsynt. Han var til og med så framsynt at han fekk gjort magnetofon-opptak av første konserten deira, snaue fire månader etter oppstarten. For den som ikkje veit kva ein magnetofon er, så er det altså ein bandopptakar. (Det er også eit omgrep, utgått på dato).