Generasjonskorpset som går mot straumen

– Kjekt å vise fram til andre det vi har øvd på

– Medlemmane er utruleg lojale overfor korpset og kvarandre. Dei møter opp for å halde liv i eit korps med ei lang historie, seier dirigenten for Sæbø Generasjonskorps, Sander Andersen.

Sæbø generasjonskorps: God rekruttering gjer at framtida ser lys ut for Sæbø Generasjonskorps. Sist veke var store delar av korpset samla for første gong i år og førebuingane til nasjonaldagen er godt i gang. 

Kultur

Midt mellom fotballtreningar, skulearbeid, gardsoppgåver og den jamne flyten i ein travel kvardag må korpsmusikantar finne tid til å øve. Korpsmusikken er tradisjon i Noreg, men det siste året har det vore nesten heilt stilt frå korpsmusikantane i vårt langstrekte land. Som i andre aktivitetar har det vore fråfall blant dei mange korpsa, men ein kald torsdag kveld i Bondalen grendehus har dirigent Sander Andersen utsyn til eit korps med mange generasjonar. Det oppsiktsvekkande er kanskje at hovuddelen av Sæbø Generasjonskorps ikkje har mange års erfaring bak seg. Samtidig er det ei fast gruppe i korpset som gjer at sjølv under koronapandemien ser framtida lys ut.