– Får servert verdsklassemusikk på eit sølvfat

Det er ikkje kvar dag at musikarar som Wolfgang Plagge, James Gilchrist og Mathias Halvorsen spelar gratiskonsert midt på dagen i Ørsta.
Kultur

Onsdag skjedde det På Fri Svendsen i Ørsta. Bakgrunnen er at Sunnmøre Kammermusikkfestival er godt i gang. Gjennom veka er det foredrag, undervisning for unge og lovande musikalske talent og konsert på Søre Sunnmøre. I fjor prøvde festivalen ut gratis lunsjkonsert i Volda, og i år fekk også Ørsta eit kulturelt og musikalsk drypp.

Mange møtte opp for å få med seg konserten med m.a. Wolfgang Plagge.  Foto: Joachim Åsebø

Det var ikkje mange stolar som var ledig stolar som var på Fru Svendsen. Nokre av tilskodarar var ikkje heilt klar over konserten, medan andre hadde teke turen grunna musikken. Marie Austrheim Riise, som sit i styret til Sunnmøre kammermusikkfestival, ønske publikum velkomne før Plagge og Gilchrist starta sitt musikalske samspel. Plagge spelte og på pianoet åleine før Mathias Halvorsen tok over tangentane.