«Ej forstende ikkje steikje støv ta ka du sei!!!»

Møt danske Kim Thorup i God dag-praten.

  Foto: Privat

Kim Thorup
  • 46 år
  • Frå Danmark
  • Bur i Mosmarka, Ørsta
  • Seljar i Marine Harvest
  • Sivilstand: Gift med Ann Helen, to barn
For abonnentar

Korleis er kvardagen din?

Full fart på jobben i Marine Harvest med sal av lakseingrediensar til pet food over heile verda. Privat har eg og frua tilpassa oss ein ny kvardag etter begge barna flytta heimanfrå i august.


Kva aktuelle saker opptar deg for tida?

Dugnad for handballen i Ørsta.


Kva vil du framheve med heimstaden din?

Fantastisk natur i ein kommune med sterke lokalsamfunn og eit yrande handelssentrum i Ørsta. Framstega sidan eg kom hit i 1995 er enorme.


Kva saknar du i sentrum av Ørsta?

Ein gresk restaurant hadde vore topp. Og symjehall.


Kva ville du gjere om du fekk vere ordførar i ei veke?

Hadde sikkert rota det til ... Få ennå meir fart i sentrumsutviklinga. Forlenge stien frå Hamna/Amfi med ei «gangbru» på utsida av fjøresteinane mot yste Strandgata. Legge til rette for utvikling av eigedomane i nedste gata, så Ørsta får eit vakkert ansikt mot sjøen. Treng kanskje meir enn ei veke ...


Kven fortener ein blomebukett?

Kona mi – for tolmodet.


Korleis er di draumeforside i Møre-Nytt?

Etter Volda/Ørsta-samanslåing vert Noregs største handballturnering arrangert.


Kva er ditt beste minne frå oppveksten?

Besøk og hjelp på garden til mormor og morfar.


Kva får deg til å le?

Overraskande og spontane merknader uttalt som det mest sjølvsagde.


Kva er ditt favorittmåltid?

Pinnekjøtt eller kvit bacalao, eller heimelaga burger. Er glad i mat ja!


Kva er ditt favoritt-dialektord?

Må bli den første setninga eg fekk høyre frå Dagrun Sætre på Sandvik Møbler i 1997: «Ej forstende ikkje steikje støv ta ka du sei!!!». Eg la om til Ørsting fort.