Kan verte årets fotballkommune

Denne veka vedtok krinsstyret i Sunnmøre fotballkrins dei ulike nominerte klubbane og kommunane til årets prisar. Komande laurdag er det jubileumsgalla i Ålesund for fotballkrisen som i år er 100 år, og prisane vil verte overrekt vinnarane. Totalt er ni klubbar nominert til fire ulike prisar.

Volda er i år nominert til prisen årets fotballkommune saman med Herøy og Ulstein. I fjor var Ørsta nominert, og for fire år sidan vann Volda prisen som årets fotballkommune. Det er fjerde gong at kommunen er nominert til denne prisen. Vinnaren av prisen vil verte overrekt diplom.

Nominerte

Dei nominerte til årets breiddeklubb er Emblem, Langevåg og Spjelkavik. Til prisen for årets fair play-klubb er Emblem, Spjelkavik og Valder nominert. Blindheim, Hødd og Stranda er dei nominerte for årets jenteklubb, og Brattvåg, MSIL og Valder er nominert til årets dommarklubb.