Damelaget til Ørsta stod med to sigrar mot Godøy og Vestnes/Varfjell, og eit eittmålstap mot Spjelkavik, før dei tok turen til Hareidhallen onsdag kveld. Vertane hadde og spelt tre kampar denne sesongen, og alle hadde enda med tap. Difor var Ørsta favorittar før kampen, men dei ti første minutta følgde laga kvarandre. Derifrå og ut tok Ørsta kontroll og vann kampen til slutt 38–11. Neste kamp for Ørsta er heime mot Blindheim komande laurdag.
Kampfakta
Hareid – Ørsta 11–38 (5-16)
Hareidhallen
Ørsta: Helene Fagerhol, Anne Nedreberg 5, Marthe Kile Takseth 4, Heidi Tvergrov 2, Mari Kvien Håskjold 4, Michelle Holvik 2, Monica Skare 6, Helene Andreassen 1, Signe Medina Welle 1, Karoline Dyrhol Slenes 13, Julie Vartdal Evensen.