G16-laget til Ørsta hadde von om å møte Heimdal i sluttspelet og slå laget frå Trøndelag, i tillegg til at dei hadde eit mål om nå finalen. Ørsta opna gruppespelet med tap mot Charlottenlund 3 laurdag, men slo Åndalsnes/Isfjorden seinare same dag. Søndag vart det siger 22-19 mot Strindheim. Dermed enda Ørsta på andreplass i gruppespelet og var klar for kvartfinale.

Elling Dimmen Roppen i aksjon. Foto: Ørsta IL handball

Stjørdals-Blink opna klart best i kvartfinalen og var i leiinga 6-1 midtvegs i 1. omgang. Så vakna Ørsta og Mathias Welle Aam utlikna til 8-8 rett før pause. Etter kvilen var det Ørsta som tok initiativet i kampen. Elling Dimmen Roppen ordna firemåldaleiinga 20-16 to minutt før slutt, og Ørsta vann kampen 22-18.

Heimdal tok seg også til kvartfinale, men tapte mot Steinkjer. Dermed vart det ikkje revansje for Ørsta mot trønderane.

I semifinalen vart det lokaloppgjer mot Langevåg. Ørsta tok kontroll på kampen frå start og var i føringa 6-1 etter ti minutt, og til pause var stillinga 10-4. På det meste var i Ørsta i leiinga 18-6 og det var ingen som tvilte på at det ville bli finaleplass. Ørsta vann til slutt 19-9.

I finalen venta det kjent motstand i Charlottenlund 3. Som i gruppespelet fest Charlottenlund eit lite grep om kampen i 1. omgang og gjekk til pause med 9-5-leiing. På det meste var laget frå Trøndelag seks mål føre Ørsta. Sigurd Vartdal skåra det siste målet for Ørsta i finalen. Sluttresultatet vart 19-14 i favør Charlottenlund.

Sigurd Vartdal skåra det siste målet for Ørsta i finalen mot Charlottenlund 3. Foto: Ørsta IL handball

– Vi kjempe oss gjennom turneringa som eitt lagog ikkje som enkeltspelarar. Slitne bein og høge skuldrar vart ein faktor i finalen, men likevel er eg og Anders veldig stolte av gutane. Sjølv om vi meiner at fortente gull så smakar det også med sølv, seier Emil Theodor Bjørdal som trenar laget saman med Anders Vatsaas.

– No nullstiller vi oss og gler oss til Baldus-cup i Lillehammer. Ørsta-handballen si framtid strålte på mange måtar i helga.

Ørsta-publikummet fekk mykje å glede seg over i helga. Foto: Ørsta IL handball

Sølv til Volda

J16-laget til Volda gjorde reint bord i gruppespelet laurdag og tok seg til sluttspelet søndag. Det vart ein knipen 18-17-siger mot Selbu i kvartfinalen, og ein ny eittmålssiger, 14-13, mot Charlottenlund 2 i semifinalen.

I finalen møtte voldajentene Stranda 2. Det var ein jamn kamp. Midtvegs i 2. omgang var stillinga 9-9. Stranda 2 tok leiinga 13-10 med litt under eitt minutt av kampen. Volda reduserte ein gang, men Stranda 2 vann finalen 13-11.