Ørjan Håskjold Nyland frå Volda startar for det norske landslaget i privatlandskampen mot Sverige på Ullevaal stadion tysdag kveld. Det er TV2 som melder dette.
Hertha Berlin-målvakt Rune Allmenning Jarstein har den siste tida vore førstevalet på målvaktsplassen på landslaget, men i denne kampen gir landslagssjef Lars Lagerbäck sjansen til Nyland.
Det blir gjort fleire andre endringar på laget i høve til dei elleve som starta mot Tsjekkia laurdag kveld.
Slik er det norske laget (4-4-2):Ørjan Nyland – Per-Egil Flo, Even Hovland, Håvard Nordtveit, Jonas Svensson – Mats Møller Dæhli, Anders Trondsen, Sander Berge, Moi Elyounoussi – Alexander Søderlund, Bjørn Maars Johnsen
Sveriges landslagssjef Janne Andersson bytter på si side ut heile laget som slo Frankrike 2-1 på Friends Arena i Stockholm fredag kveld. Sverige stiller dette laget:
Kristoffer Nordfeldt - Emil Kraft, Pontus Jansson, Filip Helander, Niklas Hult - Viktor Claesson, Oscar Hijemark, Sebastian Larsson, Sam Larsson - John Guidetti, Christoffer Nyman.