Sæbø 2017: Bak f.v. Mats Riise, Martin Sandbakk, Alf Ole Aarseth, Jogeir Øy Vassbotn, Marius Riise, Lars Fjærvold og Espen Frøland. Framme f.v.: Ronnie Furset, Stig Harald Myklebust, John Arve Valseth, Steinar Taklo og Aslak Eikrem Riise. Ikkje til stades: Magnus Aarset, Kristoffer Valseth, Mikkel Riise, Andre Mo, Terje Haugen Øye, Henrik Mo, Terje Stokke, Olai Eikrem Riise, Lars Nikolay Urke, Mats Hustad, Yngve Frøland, Alexander Riise Olsen, Snorre Mork, Øyvind Wille, Marius Strandmann, Sindre Slettedal Sandbakk, Thomas Christiansen Hansen, Rolf Egil Riise, Kristian Lillebø, Steffen Wille Ytterstad.

Sæbø 2017: Bak f.v. Mats Riise, Martin Sandbakk, Alf Ole Aarseth, Jogeir Øy Vassbotn, Marius Riise, Lars Fjærvold og Espen Frøland. Framme f.v.: Ronnie Furset, Stig Harald Myklebust, John Arve Valseth, Steinar Taklo og Aslak Eikrem Riise. Ikkje til stades: Magnus Aarset, Kristoffer Valseth, Mikkel Riise, Andre Mo, Terje Haugen Øye, Henrik Mo, Terje Stokke, Olai Eikrem Riise, Lars Nikolay Urke, Mats Hustad, Yngve Frøland, Alexander Riise Olsen, Snorre Mork, Øyvind Wille, Marius Strandmann, Sindre Slettedal Sandbakk, Thomas Christiansen Hansen, Rolf Egil Riise, Kristian Lillebø, Steffen Wille Ytterstad.

Sæbø vil bli krinsmeister i 6. divisjon i år

– Vi skal vinne serien

Målsetjinga til Sæbø i 6. divisjon i år er opprykk, og trenar Mats Riise ser fram til ein spennande sesong.

Sæbø var det beste laget i si avdeling i 6. divisjon i fjor, men krinsmeisterskapen rauk over to kampar mot Lepsøy. Trenar Mats Riise er nøgd med oppkøyringa til årets sesong, og Sæbø har til gode å tape i treningskampane.

– Vi har vore dyktige og det har vore litt flaks. Som normalt har det vore litt ymse med folk på trening i vinter, men etter kvart som det har blitt finare fotballvêr har treningsoppmøtet blitt betre, seier Riise.

Sæbø skal møte Stranda i den siste treningskampen før det er seriestart heime mot Moltustranda 19. april.

– Vi er rusta og klare til seriestart. Tre målvakter og tjue utespelarar har vore i aksjon i treningskampane. Vi har ein brei og fin stall, og vi bør tole dei fråfalla vi veit kjem i løpet av sesongen.

Sæbø har ikkje mista sentrale spelarar frå sesongen i fjor. Henrik Mo vil kome tilbake i stallen når han er ferdig i militæret, og Kristian Lillebø er tilbake i klubben.

– Med Kristian har vi ekstra dekning på målvaktsplass , og vonleg slepp vi å bruke utespelarar i mål denne sesongen. Lars Fjærvold signerte for oss i fjor, men vart langtidsskadd. Saman med Thomas Christiansen Hansen styrkar dei forsvaret vårt. I tillegg så er unggutane som fekk sjansen i fjor med oss vidare, seier Riise.

Sesongen i 6. divisjon i fjor vart kort for Sæbø. Fleire lag trekte seg og dermed vart det få kampar, og ofte lang tid mellom kampane. I år er det elleve lag i avdeling 2, og det blir totalt tjue kampar for dei lokale laga.

– 6. divisjon i år er endå betre enn i fjor, og det blir ein mykje kjekkare divisjon. For oss blir det fleire kampar og lokaloppgjer, og vi gler oss som pokker. Som lag vart det litt kjedeleg for oss i fjor. Totalt spelte vi berre tolv seriekampar og det er altfor lite.

Med ein styrka stall frå i fjor, og mykje rutine i laget, er Sæbø ein av favorittane til å sikre seg opprykk frå 6. divisjon denne sesongen.

– Vi skal vinne alt. Vi skal vinne serien og vi har lyst til å bli krinsmeister. Det var surt å ikkje få det til i fjor. For å få det til i år inneber det å slå både Vartdal og Åmdal, og det er med på å gje oss motivasjon.

Meir å lese på Møre-Nytt:

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Dette vert lest no:

Sokneprestane svarar Hans Reite

- I våre auge forkludrar Reite den heilt grunnleggande kristne tanken om at menneska er skapte i Guds bilete, sjølvsagt heilt uavhengig av til dømes seksuell legning.

Black Friday

Økonomen Thomas sparte 11.500

- Men gå ikkje inn og dra kredittkortet blindt

Må kutte 300-450 millionar

Dramatisk situasjon for sjukehusa i fylket.

Hans Reite og homofili

Homo-aksjon mot Nytt Livs senter

- Dei skal ikkje buse fram slik, seier Hans Reite.

Porsekjellaren er tilbake

Gjenopning av klassisk utestad

Håper på gangveg til Vatne

– For ti år sidan byrja eg å sykle frå Vatne til Ørsta. På desse ti åra har trafikken auka mykje. No vert eg engsteleg av å sykle denne strekninga.