Fotballgruppene i Hovdebygda og Ørsta var forundra då Sunnmøre fotballkrins sitt forslag til terminliste i 5. divisjon vart offentleggjort. Det var ikkje lagt opp til at Hovdebygda og Ørsta skulle møtast 16. mai, men etter terminlistemøtet er det klart at det blir lokaloppgjer på fotballen sin nasjonaldag i Ørsta.
I 6. divisjon avdeling 1 skal Åmdal, Sæbø og Vartdal i aksjon i år. Det er bestemt at Åmdal møter Vartdal på heimebane 16. mai. Sæbø spelar ikkje kamp 16. mai, men møter Hareid 2 på bortebane onsdag 18. mai.
Seriestart i 5. divisjon er sett til 20. april, og seriestarten i 6. divisjon er 19. april.