Solid Ørsta-siger

Ørsta var favorittar heime mot Frøya, og hadde von om å ta ein ny siger i 2016. Heimelaget fekk ei veldig god opning på kampen, og etter tre minutt var dei i føringa 3–0. I handball kan det snu fort, og seks minutt seinare var det gjestene som var i leiinga 5–4. Derifrå og ut omgangen tok Ørsta kontroll på kampen. Vertane bygde seg opp ei tremålsleiing, og på tampen av omgangen var dei i leiinga med fem mål, 17–12.

I dei første ti minutta av 2. omgang veksla Ørsta på å vere fire og fem mål føre Frøya. Midtvegs i omgangen var heimelaget to mann mindre på bana grunna utvisingar, men klarte likevel å finne vegen til nettmaskene. Ein av Frøya sine beste spelarar pådrog seg kampstraff, og vart tilvist til tribunen. Ørsta heldt fram med godt angrepsspel, og Daniel Thorup sette inn Ørsta sitt siste mål for kvelden i 35-31-sigeren. Stian Aasen vart toppskårar for Ørsta med sju skåringar.

Komande helg reiser herrelaget til Trondheim, og skal spele to kampar. Røros er motstandar laurdag og topplaget Tynset står på motsett banehalvdel søndag.

Kampfakta

Ørsta – Frøya 35–31 (17–12)

Ørsta: Håvard Skaar, Kim Børre Berg, Vegard Øye, Stian Aasen 7, Sebastian Vernang 5, Alexander Ørland 6, Jens Øvstebø 3, Simen Sjøholt 4, Mathias Myklebust 4, Daniel Thorup 5, Andreas Vik, Olav Fylling 1.