- Sett i lys av Justis- og beredskapsdepartementet si orientering om terrortrugsel i går, har Ørsta kommune gått igjennom våre kriseplanar. Fokus har spesielt vore på utfordringar knytt til ferieavvikling og fråver i samband med dette. Vår konklusjon er at kommunen sin beredskap er godt teken i vare også no i ferien. Ved behov vil også nøkkelpersonell som er på ferie verte varsla og kalla heim for å ta del i kriseleiinga. Ei slik melding som den departementet og politiet kom med i går skal alltid takast på alvor, men det er slik vi ser det ingen grunn til å tru at faren for at noko skal skje er spesielt stor i vår kommune, seier ordførar Rune Hovde.