Laurdag 19. juli kl. 9.00 blir ledige studieplassar offentliggjort og her er det førstemann til mølla-prinsippet.

– I tillegg til å ha gode opptakstal til mediefag, har vi i år også fått svært godt kvalifiserte søkjarar til friluftsliv og årsstudium i idrett. Vi har ventelister på sosialfaga, nesten alle mediefaga, friluftsliv og årsstudium i idrett og på mat og helse, fortel studiedirektør Gonnie Smit.

Høgskulen har i år gitt fleire tilbod på grunnskulelærarutdanningane enn i fjor. Det same gjeld barnehagelærarutdanninga. – I år tilbyr vi også grunnskulelærarutdanninga 1-7 på deltid og barnehagelærarutdanninga på deltid.

Ledige studieplassar

Ledige studieplassar blir offentliggjort laurdag 19. juli kl. 9.00. Høgskulen kjem då til å legge ut ledige bachelor- og yrkesutdanningar, årsstudium og deltid/nettstudium. www.hivolda.no/studietilbod. Søkjarane kan legge inn studieønskje frå søndag 20. juli kl. 9.00

– I lokalopptaket (vidareutdanningar og nettstudium) har vi framleis gode søkjartal. Vi tek opp kvalifiserte søkjarar etter kvart, og på hivolda.no finner du framleis ledige studieplassar på lokalopptaket.