Bussjåfør Kjell «Kjellen Bigseth er rasande. Han har lenge irritert seg over fartshumpane i Anders Hovden-gata i Ørsta sentrum. Måndag vart han vitne til ein debatt om gata på fjesboka, og då vart han skikkeleg fyrt.
– For der fortalde ein at han heller ville symje Rossåa enn å køyre denne gata. Då har det vorte gale, freser Kjellen.
Som yrkessjåfør kvir han seg for å køyre gata.
– Desse f.......... humpane gjer at heile bussen ristar, og sjølv vert eg skeiv i ryggen. Humpane er ikkje skilta heller, seier Kjellen.
Han karakteriserer fartshumpane som dei verste i Nord-Europa, og krev at det vert gjort noko både med utforminga og at det vert skilta at der faktisk er humpar.
– Skjer det ikkje noko, kan det verte sveltestreik. Eg vil berre ta to skeier med svelerøre dagleg. Så lensmann og ordførar, ta tak i denne saka. Og vegvesenet også!