Sylta låg i tetgruppa alt frå tidleg i løpet, og var førstemann av tre då dei nådde Skåla etter eit lite kvarter ute i løpet.
Sluttida på toppen av Saudehornet, 1.303 m.o.h. vart 51.06.
Løyperekorden til Jon Tvedt på 47.59 frå 2007 vert altså ståande i minst eitt år til.
Rett bak Sylta kom Torstein Tengsareid frå Egersund IK Friidrett på tida 51.12.
Tredjeplassen tok Johan Bugge frå Eidsvåg IL på tida 51.24.
Best i kvinneklassa
Kirsten Marathon Melkevik frå IL Gular var raskast i kvinneklassa. Ho nådde toppen på tida 59.45.
Løyperekorden for kvinner er det Anita Håkenstad som har frå 2005, med tida 55.52.
Andre kvinne til toppen var May-Britt Buer frå Gaular IL på 1.02.17.Therese Sjursen frå BFG Fana kom på tredje på tida 1.03.25.
Totalt var det 90 startande i konkurranseklassa.
Også vergudane var i godlynne. Regnet pøsa ned før løpet, men då startskotet gjekk skein sola.