Applaus for Kvivsvegen frå vegdirektør Terje Moe Gustavsen, kommunal- og regionalminister Liv Signe Navarsete, fylkesordførar Jon Aasen og ordførar i Volda, Arild Iversen.
(Foto: Rune Sæbønes)

Applaus for Kvivsvegen frå vegdirektør Terje Moe Gustavsen, kommunal- og regionalminister Liv Signe Navarsete, fylkesordførar Jon Aasen og ordførar i Volda, Arild Iversen. Foto: Rune Sæbønes

Kvivsvegen er opna

Fleire tusen feira laurdag opninga av Kvivsvegen.

Kvivsvegen er open. Til jubel frå fleire tusen frammøtte, klipte kommunal- og regionalminister Liv Signe over snora laurdag.

Det var ei høgtidsam opning av Kvivsvegen midt inne i Kvivstunnelen, på grensa mellom Sogn og Fjordane og Møre og Romsdal. Frå både Hornindal-sida og Volda-side strøymde det på med folk som ville vere med på den historiske hendinga.

Dette er ein stor dag for alle. Vi opnar eit samband som vil ha enormt å seie for regional utvikling og nyskaping, sa Navarsete mellom anna då ho opna vegen.

Spontan Pladsen-jubel

Det var prosjektleiar Oddbjørn Pladsen som var programleiar. Han opna høgtidsstunda med å presentere seg sjølv. Då braut det ut spontant jubel og applaus i tunnelen, og det var mest slik at Pladsen vart noko brydd.

Også då Svein Sunde, styreleiar i Kvivsvegen AS, vart nemnt, svara folk med spontan applaus og jubel.

Verkty

Ordførarane Anne-Britt Øen Nygård i Hornindal og Arild Iversen i Volda ynskte publikum velkomen til opningsseremonien. Dei peika på dei meir enn hundre åra det har vore ynske og planar om å få Kvivsvegen.

- No har vi fått E39 Kvivsvegen, stamvegen mellom nord og sør. Men vi har også fått vegen mellom aust og vest. Han vil vere eit verkty for endring og utvikling i regionen vår, sa Iversen.

Nasjonalsongen

Det var helsingar frå regionsjefane, og kulturinnslag før Hornindal og Volda før Navarsete fekk ordet, og stod for den offisielle opninga. Etter at opninga var eit faktum, vart høgtida avslutta med ”Ja, vi elsker”.

Det var langt fleire som kom til opninga enn det vegvesenet hadde føresett. Det gjorde at fleire måtte gå inn og ut av tunnelen. Likevel, stemninga i tunnelen var prega av glede og optimisme, og 22. september 2012 vil verte hugsa som ein merkedag for regionen.

Tusenvis feira opninga av Kvivstunnelen.
(Foto: Rune Sæbønes)

Tusenvis feira opninga av Kvivstunnelen. Foto: Rune Sæbønes

Oddbjørn Pladsen vart møtt med spontan jubel og applaus.
(Foto: Rune Sæbønes)

Oddbjørn Pladsen vart møtt med spontan jubel og applaus. Foto: Rune Sæbønes

Meir å lese på Møre-Nytt:
Dette vert lest no:

Signerte hallavtale til verdi av 9 millionar kroner

– Ein stor dag for Volda og regionen

Er beredskapen god nok?

Frida Gilberg etterlyser svar om beredskapen i fjella.

BokkeReidars feirar 35 år med konsert på Chat Noir

Stjernespekka fest for sunnmørsbluesen

Ørsta vidaregåande på studietur til Spania

I tre veker i vår var 31 elevar ved Ørsta vidaregåande skule på studietur til Costa Blanca i Spania. Her er forteljinga deira.

Registrert revisor Per Lystad har utvikla analyse-verktøy

Enklare å vere revisor

– Gi seksåringane førskulen tilbake

– Konklusjonen ut frå det vi veit etter 20 år, er at Reform 97 ikkje har hatt nokon konsekvensar i det heile for barns læring.