Arild Iversen etterlyser handlekraft frå Statens vegvesen.

Arild Iversen etterlyser handlekraft frå Statens vegvesen.

Etterlyser strakstiltak i Volda sentrum

Ordførar Arild Iversen etterlyser strakstiltaka Statens vegvesen ville gjennomføre i Volda sentrum. Tiltaka skulle vere gjort før Kvivsvegen opna.

– Opning av Kvivsvegen gir auka press på trafikken gjennom Volda sentrum og det er svært avgjerande at dei enkle strakstiltaka som vegvesenet har lovd, vert gjennomført, seier Iversen.

Positive signal

I påvente av gjennomføring av planlagt tunnelløysing frå Volda til Furene er det frå Volda kommune si side peika på ulike behov for tiltak på strekninga sjukehuskrysset til Volda ferjekai, og vidare til Furene. Signala har vore positive frå både Fylkeskommunen og Statens vegvesen si side med tanke på å gjennomføre tiltaka, men ingenting har skjedd, berre ei veke før Kvivsvegen opnar. Det er mellom anna snakk om redusert fartsgrense til 40 km/t gjennom sentrum, betre skilting og nytt fotgjengarfelt. No har Iversen skrive brev til vegvesenet der han etterlyser tiltaka.

Inga overrasking

– Med grunnlag i dei lovnader som er gitt, og dei forventningar som er lagt i høve dette, er det vesentleg for både kommunen og Statens vegvesen/Fylkeskommunen sitt omdøme at tiltaka vert gjennomført som forventa, er den klare beskjeden frå Iversen.

Ordføraren minner om at behovet for tiltak ikkje kjem som noka overrasking på vegvesenet. Han seier vidare at trafikkavviklinga gjennom Volda sentrum bør sjåast i samanheng med Kvivsvegprosjektet i ein heilskapleg plan for nødvendige tiltak i høve standard og krav til stamveg.

– Kommunen krev at desse viktige trafikktryggingstiltaka no kjem på plass. Dette er små tiltak, men sentrale for trafikkflyten og sikkerheita. Det vil derfor vere uheldig når vi skal feire eit milliardprosjekt, som eit stort lyft for heile regionen, dersom trafikkavviklinga gjennom Volda sentrum skal verte hengjande som ei hindring. Vi etterlyser handlekraft for å få dette på plass.

Det er venta trafikkaos i Volda når Kvivsvegen opnar neste helg. Fleire kryss i sentrum vil vere som flaskehalsar. Arkivfoto.

Det er venta trafikkaos i Volda når Kvivsvegen opnar neste helg. Fleire kryss i sentrum vil vere som flaskehalsar. Arkivfoto.

Meir å lese på Møre-Nytt:
Dette vert lest no:

Fortvilar over skadeverk

Arne fekk båt skadd etter steinkasting.

Store utfordringar med fyrsteslåtten

Bøndene i Ørsta har utfordringar med årets fyrsteslått, grunna mykje nedbør. Dei fleste ligg langt bak skjema.

Siste sirkus på Utstillingsplassen

Torsdag vart sirkusteltet til Cirkus Arnardo reist på Utstillingsplassen i Ørsta for siste gong.

Elevane sigra mot lærarane

I år var det elevane ved Ørsta ungdomsskule som kunne juble høgast i den tradisjonsrike fotballkampen mellom elevane og lærarane.

NAV til Tindebygget

NAV Ørsta og Volda flyttar frå Strandgata til nye lokale i Tindebygget i Ivar Aasen-gata.

Kommunen kjøper hamna i Volda

I dag vedtek truleg Volda kommune at dei kjøper den statlege fiskerihamna i sentrum frå Kystverket.

Åtvarar mot kulturhus i sentrum

Rådmannen i Volda åtvarar mot å insistere på eit kulturhus i sentrum framfor samarbeid med høgskulen på campus.