Over 300 personar kjem til å helse

Over 300 personar kjem til å helse "Trollfjord" velkomen søndag når båten for første gong legg turen til Hjørundfjorden. Mange av dei vil stå med røyk på fjelltoppar.

”Trollfjord” kjem til Hjørundfjorden søndag:

Over 300 helsar hurtigruta velkomen

Over 300 personar vil søndag helse hurtigruta ”Trollfjord” velkomen til Hjørundfjorden med vardebrenning frå fjella rundt fjorden.

– 65 av dei skal vifte med signalrøyk frå fjelltoppane, så dette kan verte ei flott oppleving for både hurtigrutepassasjerane og for andre, seier Arild Eidset i Aalesunds Skiklub.

Spektakulær

Eidset er initiativtakar for det ein håper skal verte ein spektakulær og visuelt flott måte å markere at hurtigruta i haust skal ha Hjørundfjorden som eit av reisemåla. Søndag er fyrste turen for hurtigruta til Hjørundfjorden, og no vil entusiastar gje passasjerane uforgløymelege timar.

Det er planlagt å tenne vardar på mest alle fjelltoppar som er synlege frå fjorden. Det vil verte tent signalrøyk frå toppar også i Sykkylven og Ålesund. Dei aktuelle toppane er Festøykollen, Jønshornet, Randers Topp, Mohns Topp, Langnestinden, Sølvkallen, Storhornet, Skårasalen, Othålhornet, Honndalsrokken, Jakta, Stålberghornet, Konehornet, Slogen, Saksa, Trandalhatten, Nes-Staven, Tungremtindane, Sønnavindsnipa og Hondatindane.

Men det er ikkje sikkert det vil verte folk på alle toppane. Det er nemleg meldt sørvest kuling og sønnavind søndag, og då kan skodda ligg tjukk i fjella.

Fjøresteinane

– Vi tek sjølvsagt ingen sjansar i fjellet. Difor kan det hende ein vil finne folk på ein lågare tind enn planlagt, eller at nokon vil stå på eit nes eller i fjøresteinane. Dei som er om bord i hurtigruta skal uansett få oppleve noko heilt spesielt, lovar Arild Eidset.

På Facebook-sida ”Velkomen til Hjørundfjorden MS Trollfjord!” har over 300 sagt frå at dei skal delta på den markeringa i Hjørundfjorden, mellom anna ordførar Rune Hovde. Like mange har meldt frå at dei kanskje skal delta. Folksamt vert det uansett når ”Trollfjord” siglar inn den mektige Hjørundfjorden i morgon, søndag.

Meir å lese på Møre-Nytt:
Dette vert lest no:

Kyrkjebrannen i Ørsta:

Konfirmasjon komande helg:

– Målet er å ha konfirmasjon i kyrkja

– Dette kunne gått mykje verre om det hadde hendt om natta.

Gudsteneste på bedehuset:

Presten takka frivillige og naudetatar

– Heldigvis er det ikkje snakk om anti-kristelege eller satanistiske handlingar.

Oddvar var med på å berge kyrkja

- Eg trur denne brannen kunne vorte stor.

Bente og Olaug sikrar konfirmasjonsmaten

Når konfirmasjonane no startar for fullt, er det to driftige og blide søstrer på Vallabøen som sikrar selskapsmaten.

Gratis kokkekurs med gourmet-kokk

Onsdag 3. mai kan mat-interesserte vere med på gratis kokkekurs i regi av Dale Vindu & Interiør.

Islamsk senter til departementet

Volda-Ørsta Islamsk Senter ber om rettleiing frå Kulturdepartementet til å opprette eit trussamfunn.

Friidrettsfinale i skulecupen i Molde

21 Ørsta-elevar i finalen

I overkant av 550 elevar har teke del i skulecupen i år, og tysdag var dei beste samla i Molde for å ta del i finalen. Ørsta-elevane hevda seg godt.

Ørsta Taxi

Nytt selskap og nye lokale

– No er det heilt topp!

Hørselssentralen på plass med kontor på Volda sjukehus

– Dette er ein merkedag, sa leiar i Hørselsforeininga i Ørsta og Volda, Bjarne Øye, då han torsdag var med på å opne Hørselssentralen sitt kontor ved Volda sjukehus.

Leika seg gjennom bronsealderen

– Det er mykje leik og moro her i dag, men for dei som levde i bronsealderen var nok livet ein god del hardare.

Statens vegvesen med klar melding:

– Ørstafjorden må vente på Vartdalsfjorden

– Dersom de insisterer på at Voldatunnelen og Ørstafjordkryssinga skal kome i den same pakken, risikerer de å utsette begge prosjekta på ubestemt tid.