503.325 kroner i grasrot-pengar til Ørsta

Norsk Tipping har nyleg utbetalt grasrotmidlane for andre halvdel av 2011, og statistikkane frå Hamar viser at det tikka inn pengar til totalt 55 klubbar og organisasjonar frå Ørsta i løpet av heile fjoråret. Og 47 i Volda.

I dag kan vi presentere ei fullstendig oversikt over korleis Grasrot-pengane for 2011 blei fordelt i Ørsta – og kor mykje pengar som faktisk kunne vore fordelt.

Mest til ØIL

Totalt er det utbetalt 503.325 kroner i grasrotmidlar til frivillig arbeid i Ørsta kommune i fjor. Mest pengar er det Ørsta Røde Kors som får – med totalt 83.723 kroner i stønad frå dei 326 spelarane som har valt denne klubben som mottakar. Det er Ørsta Idrottslag og Hovdebygda IL som følgjer deretter.

Pengar til Volda

I Volda har dei fått totalt 329.205 kroner til fordeling. Mest gjekk til Volda TI Fotball, som fekk dryge 81.000 kroner. Så kjem Dalsfjorden FK og Volda Handballklubb. Ei komplett liste over alle mottakarar finn du i tilknyting til denne saka.

Rekordår

Alle som er registrert med spelekort hos Norsk Tipping kan gi fem prosent av det dei speler for, til eit lag eller ein organisasjon etter eige ønske.

Kommunikasjonssjef Magne Vikøren hos Norsk Tipping kan fortelje om rekordår når det gjeld Grasrotandelen. Summen som blei utbetalt i fjor er tolv prosent høgare enn året før.

– Totalt vart det utbetalt 296 millionar kroner til Frivilligheits-Noreg gjennom ordninga, og dette er 32 millionar kroner meir enn i 2010, fortel han.

Over 734.000 nordmenn er no registrert som givar gjennom Grasrotordninga.

– Viktig ordning

I Ørsta kommune finn vi at 1.629 personar har valt ein organisasjon som dei vel å støtte. Og 1.069 frå Volda.

– Vi har inntrykk av at Grasrotandelen er godt likt og høyrer støtt og stadig om kor viktige desse midlane er for små og store i det mangfaldige organisasjonslivet i Noreg. Det er alt frå Røde kross og idrettslag, via musikklag og turforeiningar, til dyrevern og velforeiningar. Alle saman nyt godt av desse midlane, fastslår Vikøren.

– Vi veit at grasrotmidlane er med på å skape engasjement og aktivitet landa over, og dette er vi stolte av å vere med på. Vi vil gjerne få nytte høvet til å takke alle spelarane i Ørsta for stønaden, seier han.

Stort potensial

Ein ting er å ta imot denne stønaden frå Norsk Tipping. Ein annan ting er å sjå kva ein eigentleg kunne fått frå Hamar om alle spelarane i Ørsta hadde valt ein mottakarorganisasjon. Det er nemleg langt frå alle i Ørsta som har registrert seg som grasrot-speler. Tal frå Norsk Tipping viser nemleg at det er så mange som 1.970 personar frå Ørsta som har spelarkort, men som enno ikkje har ført seg opp som grasrotgivar.

Potensialet i Ørsta er såleis stort. Dersom vi meiner at dei resterande spelarane ville gitt like mykje som dei noverande, så hadde spelarane frå Ørsta kunne samla inn over 1,1 millionar kroner i stønad i løpet av året.

Framleis mange utan

I heile Noreg har 40 prosent av dei som speler hos Norsk Tipping registrert mottakarorganisasjon gjennom Grasrotandelen. Altså er seks av ti spelarar ikkje knytte til ordninga.

– Vi har inga konkret forklaring på kvifor seksti prosent ikkje har funne seg ein mottakar. Mange gløymer kanskje ordninga når dei er inne hos kommisjonæren, så det å stå utanfor med ein stand er kanskje eit godt grep for å hanke inn nye grasrotgivarar til laget eller organisasjonen sin, oppmodar Vikøren.

– Og så er det andre igjen som ikkje klarer å fastsetje seg for kven dei skal gi Grasrotandelen sin til. Den tredje forklaringa kan vere at det er snakk om sporadiske spelarar som ikkje ønskjer å nytte seg av Grasrotandelen, seier han.

I Ørsta er det snakk om at 44 prosent av spelarane har registrert seg. Og i Volda 38 prosent.

Mykje kake igjen

– Det at potensialet er så stort må vere til stor inspirasjon for dei laga og foreiningane som ønskjer å gjere meir ut av ordninga. Suksessfaktoren til Grasrotandelen er engasjement, og dei som er flinke til å vise seg fram, informerer om kva dei driv med og kva pengane skal gå til, lukkast ofte godt med Grasrotandelen, seier Vikøren.

– På fleip har vi kalla Grasrotandelen som kakelotteri på autopilot. Og festen er langt frå over, for det er mykje kake igjen, understrekar grasrotgeneralen.

Desse fekk i Ørsta:

Ørsta Røde Kors, 326, 83.723

Ørsta Idrottslag, 183, 81.378

Hovdebygda Idrettslag, 149, 62.174

Vartdal Turn og Idrettslag, 131, 44.719

Åmdal Idrottslag, 84, 29.233

Sæbø Idrettslag, 88, 26.434

Vartdalsstranda Generasjonskorps, 94, 25.940

Volda og Ørsta Ballettskule, 45, 12.965

Sæbø Skulekorps, 15, 12.675

Urke Småbåtlag, 16, 11.091

Ørsta Bowlingklubb, 10, 10.328

NRF Møre og Romsdal fylkeslag, 36, 9.827

Urke Grendelag, 27, 7.794

Ålesund Friidrettsklubb, 12, 7.501

Møredykk – Volda og Ørsta, 16, 6.939

Sunnmøre Alpine Redningsgruppe, 12, 4.927

Volda Ørsta Revmatikarforeining, 32, 4.809

Søre Luten Bowlingklubb, 10, 4.054

Ørsta Hornmusikk, 23, 3.849

Cantando, 12, 3.757

Hovdebygda og Ørsta Skyttarlag, 19, 3.516

Ørsta Volda Pistolklubb, 23, 3.331

Follestaddal Hornmusikk, 19, 3.172

Vartdal Skyttarlag, 13, 2.806

Hovden og Ørsta Skulekorps, 19, 2.761

Skjåstaddalen Frilynde Ungdomslag, 13, 2.731

Lions Club Ørsta, 8, 2.632

Liadalsbygda Grendelag, 15, 2.523

Bondalen Helselag, 12, 2.221

Ørsta Ungdomslag, 8, 2.140

Nordre Vartdal Bygdeutval, 16, 1.965

Ørstakoret, 8, 1.960

Ørsta Linedanceklubb, 11, 1.910

Hovdebygda soge- og velferdslag, 8, 1.726

Volda & Ørsta Himmelseglarlag, 14, 1.711

Dalane Skulekorps, 9, 1.648

FFB Søre Sunnmøre, 11, 1.484

Osberget Skisenter, 8, 1.446

Håvoll IL, 9, 1.228

Songlaget Bard, 3, 818

Hjørundfjord kulturvernlag, 4, 794

Norangdal Idrettslag, 6, 763

Ørsta Sykkelklubb, 9, 589

NHF Ørsta/ Volda, 5, 562

Ervingen Blandakor, 7, 558

Eitrefjell Telemarkklubb, 8, 503

Ørsta Symjeklubb, 4, 467

Storm 4H, 6, 336

Vestri Volda Ørsta, 4, 277

Ørsta ride- og køyreklubb, 4, 250

Norges Diabetesforbund Volda og Ørsta, 138

Sørheim og Steinnes Grendelag, 3, 105

Farkvamen Ve og Vel, 1, 92

Rebekkaloge Nr 46 Symra, 1, 28

Ytre Standal og Stavset Grendalag, 19

Desse fekk i Volda:

Volda Turn og Idrottslag Fotball, 215, 81.514

Dalsfjorden Fotballklubb, 43, 45.289

Volda Handballklubb, 93, 30.031,

Volda Røde Kors, 106, 16.401

Volda Skulekorps, 48, 13.732

Folkestad Idrettslag, 37, 13.502

Volda Mannskor, 23, 13.166

Volda Golfklubb, 21, 12.016

Lauvstad Skulekorps, 56, 11.865

Straumshamn Musikkorps, 43, 10.174

Volda Sanitetslag, 21, 9.571

Hjartåbygda Skyttarlag, 20, 6.914

Mork Idrettslag, 27, 6.448

Austefjord Idrettslag, 44, 6.356

Vestsida Idrettslag, 15, 5.789

Folkestad/Tonika Musikkorps, 20, 4.408

Den Indre Sjømannsmisjon, 20, 4.116

Mork Frilynde Ungdomslag, 12, 3.531

Volda Rideklubb, 15, 3.332

Volda Turn og Idrettslag Allidrett, 14, 3.162

Pinsekyrkja Eben-Eser, 12, 3.016,

Volda Tennislag, 9, 2.475

Volda KFUK-KFUM, 19, 2.139

Bjørkedalen Kystlag, 12, 1.881

Helsekorpset Volda, 8, 1.746

Foreininga Merkesteinane, 13, 1.745

ADHD-Norge S��re Sunnmøre Lokallag, 1.541

Volda Judoklubb, 12, 1.520

Folkestad Speidergruppe, 5, 1.195

Volda KFUK-KFUM Speidarane, 8, 1.174

Volda Hornmusikk, 8, 1.170

Volda og Ørsta Bordtennisklubb, 1.141

Dravlaus Idrettslag, 8, 1.056

Dalsfjord Musikkorps, 13, 1.051

Ørsta Volda lag av Foreningen Norden, 1.963

Austefjord Hornmusikk, 8, 891

Diabetesforbundet Volda og Ørsta, 8, 673

Bjørkedal Barnehage, 6, 629

Volda Folketeater, 3, 509

Nasjonalforeningen for folkehelsen, 3, 388

Volda Husflidslag, 7, 332

Mork Sanitetslag, 3, 197

Vikebygda Sanitetslag, 2, 172

Foreininga AAN Volda Alternativ til abort, 2, 110

Student-TV i Volda, 4, 99

Lions Club Volda, 2, 57

Volda Mållag, 19

Topp 20 i Noreg

Vålerenga Fotball, Oslo, 2.131.676

Lørenskog Idrettsforening, Lørenskog, 1.330.256

Bodø-Glimt Fk, Bodø, 1.308.476

Sarpsborg 08 Fotballforeining, Sarpsborg, 929.562

Lillestrøm Sportsklubb, Skedsmo, 912.276

Skeid, Oslo, 736.603

Odds Ballklubb, Skien, 727.311

Strømsgodset Toppfotball, Drammen, 719.189

Vindbjart Fotballklubb, Vennesla, 679.823

Brann Sportsklubben, Bergen, 673.562

Ishockeyklubben Sparta Sarpsborg, Sarpsborg, 624.408

Mjøndalen Idrettsforening, Nedre Eiker, 620.455

Kattens Vern, Bergen, 618.945

Idrettslaget Brodd Fotball, Stavanger, 588.380

Fokus Bordtennisklubb, Oslo, 584.582

Tromsø IL, Tromsø, 557.094

Fram Idrettsforeningen, Larvik, 535.165

Gneist Idrettslaget, Bergen, 532.554

Stjernen Hockey Fredrikstad, Fredrikstad, 528.464

Raufoss IL Fotball, Vestre Toten, 519.642