I einsam majestet mot toppen

Erling Hisdal frå I.K. Tjalve parkerte dei andre deltakarane i Saudehornet rett opp.

1 / 15

Janne-Marit M. Falch

Erling Hisdal frå I.K. Tjalve snur seg for å sjå om der kjem nokon bak. Det gjorde det ikkje før ei god stund etterpå. Han hadde kontrollen heile vegen til toppen av Saudehornet (i bakgrunnen), og uoffisielle målingar seier at han klarte turen på 55:30. Heiagjengen i Skåla hjalp godt til.

Allereie få minutt etter at startskotet gjekk klokka 11.00 laurdag hadde Erling Hisdal leiinga. Opp det bratte partiet mot Skåla auka han gapet ned til nestemann, Daniel Stock frå Team LeasePlan Go, og luka var så stor at han aldri var truga på vegen mot toppen av 1303 meter høge Saudehornet.

Hisdal nådde mål på tida 55:30.

I dameklassa var Anita Håkenstad Evertsen frå Øystre Slidre IL raskast. Ho nådde toppen på tida 1:04:08. Det er Anita som har løyperekorden for damer frå 2005, på tida 55:52.

Løyperekorden for herrar vart sett av Jon Tvedt frå Fyllingsdalen i 2007, og er på 47,59.

Det var 90 påmelde i konkurranseklassa i Saudehornet rett opp i år, og løpet vart arrangert for 13. gong.