Von om vidare drift på Bjørke

Etter fire års drift var det tidlegare denne månaden klart at Bjørke Marina hadde meldt oppbod. No vert det arbeidd med vidare drift gjennom eit nytt selskap.

– Bjørke Marina har vore eit AS, og no prøver vi å stable på beina eit nytt selskap for vidare drift. Vi ber båteigarar og dei som har kjøpt seg båtplass om å ta det med ro og vere tolmodige, seier Bjørn Atle Søvik som er grunneigar.

Søvik har ikkje vore involvert i Bjørke Marina, men han eig grunnen der Bjørke Marina held til. Tidlegast kan ei løysing vere på plass i haust.

– Med konkurs så er det karantenar og det vert truleg ikkje noko løysing før tidleg i haust. Vi er i kontakt og er ein del folk som forsøker å få til vidare drift. Om anlegget må fjernast vil det koste ein del å få det vekk. Det er snakk om store kostnader. I tillegg vil det vere eit negativt trekk for bygda Bjørke, seier Søvik.