Arbeidsløysa auka både i Ørsta og Volda siste månad, både samanlikna med månaden før og med same tidspunkt i fjor.

Ved utgangen av juni var det 121 personar heilt utan arbeid i Ørsta, og det utgjer 2,2 prosent av arbeidsstyrken. Det er elleve fleire enn ved utgangen av mai, og atten fleire enn for eitt år sidan.

I Volda var det 92 personar heilt utan arbeid, noko som utgjer 2,0 prosent av arbeidsstyrken. Talet på arbeidsledige i Volda auka med 23 personar samanlikna med utgangen av mai og med 25 samanlikna med utgangen av juni i fjor.

Det er i Ørsta, Volda og Ulstein at arbeidsløysa har auka mest siste månaden i tillegg til nokre nordmørskommunar.

I Møre og Romsdal samla er det 2,4 personar heilt utan arbeid. I landet totalt er talet 2,8 prosent, melder Nav.