– Det er store dimensjonar i dette prosjektet. Ein ny bydel på storleik med Trondheim sentrum, med tilhøyrande marina til om lag 800 båtar har vore under bygging dei siste åra. Med over 1,3 kilometer med moloar og kunstige øyer, er dette helt unikt i Noregssamanheng, skriv Marina Solutions i ei pressemelding.
Syttifem meter med Ørsta-bryggje i Ålesund
Verksemda leverer no første byggetrinn i den nye marinaen, med 148 båtplassar. Før ferien skal verksemda få på plass 112 båtplassar til.
– Marinaen blir topp moderne med stor fokus på tryggleik for brukarane. Alle landgangar, brygger og utriggarar blir levert med sklisikkert ståldekk. Det blir også utplassert redningsstigar med 15 meter mellomrom på heile anlegget. Og det blir sett inn brannceller som hindrar at branntilløp får spreie seg i marinaen.
– Trondheim båtforeining skal drifte marinaen og dei har selt alle båtplassane som blir levert før ferien. Neste byggetrinn blir levert så snart det blir selt nye båtplassar, heiter det i pressemeldinga.
Det blir også levert spesielt tilpassa båtplassar for rørslehemma.