K.A. Aurstad nekter å betale ei millionbot for brot på arbeidsmiljølova etter at ein 25-åring frå Ørsta døydde på jobb då han arbeidde på Dalsfjordsambandet i Sogn og Fjordane.

Dermed kjem saka opp i Fjordane tingrett til hausten, melder smp.no. 8.-10. september er sett av til saka. Ifølgje smp.no er den profilerte advokaten Harald Stabell engasjert av K.A. Aurstad til å føre saka.

Mannen som omkom, kom utfor kanten ved ein snuplass på anleggsområdet. Politiet meinte snuplassen var for dårleg sikra, og gav Ørsta-verksemda ei bot på ein million kroner.

K.A. Aurstad har engasjert den profilerte advokaten Harald Stabell til å føre saka for seg.