Her kjem innvandrarane frå

Ved inngangen til 2015 budde det 812 personar i Ørsta kommune, som anten var innvandrarar eller norskfødde barn av to innvandrarforeldre. Fordelt på kjønn var det 433 menn og 379 kvinner. Det betyr at berre 7,7 prosent av Ørstas innbyggjarane høyrer til denne kategorien. På landsbasis er 15,6 prosent av innbyggjarane i den aktuelle gruppa, mens delen i Møre og Romsdal er på 11,2 prosent.

I Volda kommune finn vi at mengda er 845 personar, 435 menn og 410 kvinner. Delen innvandrarar og norskfødde barn av desse er dermed på 9,4 prosent i Volda.

Delen i Ørsta

Det er Oslo som har størst del innvandrarar blant kommunane i Noreg. Her er nesten 32 prosent av alle innbyggjarane innvandrarar eller norskfødde barn av innvandrarar. Drammen følgjer på andreplass med 27 prosent, mens Båtsfjord i Finnmark har krypet opp på tredjeplass. Meir enn kvar fjerde innbyggjar der høyrer til denne kategorien.

Ørsta kjem på 310.-plass på denne landsoversikta, mens Volda er nummer 234. Alle 428 kommunar i Noreg har innvandrarar busett. Minst del har Rindal her i Møre og Romsdal, der berre 1,7 prosent av befolkninga høyrer til denne gruppa.

I Møre og Romsdal er det Sande kommune som toppar lista, med ein del på 16,8 prosent, etterfølgd av Ulstein med 16,7 prosent.

Flest frå Polen

Innvandrarar frå Polen, og barn av desse, er framleis den klart største gruppa her i landet, med over 99.000 personar. I løpet av fjoråret blei det 7.000 fleire busette innvandrarar med bakgrunn frå Polen. Polakkane utgjer no nesten 14 prosent av innvandrarane. Litauen og Sverige er nesten helt likt i mengd, begge nasjonane representert med drygt 39.000 personar.

Oversikta frå Ørsta

Tabellane frå SSB viser at det også i Ørsta kommune er Polen som toppar lista, med 141 personar i talet. Deretter følgjer Litauen, som er representert av 52 personar i Ørsta. Tredjeplass på lista deler Tyskland og Filippinane, kor det kjem 45 personar frå.

I Volda kommune er det Somalia som er på topp. Totalt 65 personar har vandra inn derifrå, eller er fødde i Noreg med somaliske foreldre. På andreplass kjem Eritrea, «representert» av 62 personar, mens Tyskland er nummer tre med 56 personar.

Innvandarar i Ørsta:

Polen 141Litauen 52Tyskland 45Filippinane 45Eritrea 43Romania 35Somalia 29Latvia 28Afghanistan 27Bulgaria 26Bosnia-Hercegovina 25Russland 23Island 20Thailand 19Iran 17Nederland 16Irak 16Liberia 15Bhutan 13Nepal 13Kongo 12Færøyene 11Danmark 10Kina 10Sverige 9Estland 9Syria 9Storbritannia 7Tsjekkia 7USA 7Etiopia 5Kosovo 4Vietnam 4Cuba 4Chile 4Finland 3Albania 3Frankrike 3Italia 3Ungarn 3Slovakia 3Kenya 3Madagaskar 3Malawi 3Namibia 3Senegal 3Burkina Faso 3De forente arabiske emirater 3Kuwait 3Pakistan 3Canada 3Brasil 3New Zealand 3

Innvandrarar i Volda:

Somalia 65Eritrea 62Tyskland 56Filippinene 51Polen 43Slovakia 37Litauen 28Afghanistan 28Kongo 25Syria 23Kosovo 20Island 17Bosnia-Hercegovina 17Irak 17Storbritannia 16Latvia 15Romania 14Russland 14Iran 14Palestina 14Thailand 14Sverige 12Estland 12Spania 12Sudan 12Kina 12Danmark 9Finland 9Frankrike 9Nederland 9USA 9Bulgaria 8Ukraina 7Østerrike 7Ungarn 6Kenya 6Kroatia 5Tyrkia 5Tsjekkia 5Burundi 5Tanzania 5Italia 4Moldova 4Serbia 4Etiopia 4Liberia 4Nigeria 4Argentina 4Chile 4Hellas 3Irland 3Sveits 3Egypt 3Ghana 3Malawi 3Sør-Afrika 3Zambia 3Sri Lanka 3India 3Kasakhstan 3Nepal 3Vietnam 3Canada 3Cuba 3Den dominikanske republikk 3Mexico 3Brasil 3

Yngve Johnsen

Ei-to-tekst