Opnar igjen etter konkurs

Shell Express-stasjonen på Rotset i Volda er opna att.

Stasjonen vart råka av at forhandlaren slo seg konkurs, og måtte stenge.

Det var Volda Bilsenter som la ned drifta av stasjonen i februar grunna negativ utvikling i salet.

No er der drift igjen, og det er Tommy Larsen ved Fjord og Fjell Stasjonsdrift som har skrive under på ny leigekontrakt.

- Vi er kjempeglade for at vi har sikra leigekontrakt og at pumpene no er opne att, skriv Shell i ei pressemelding.

Tommy Larsen har til saman 12 stasjonar i sitt nettverk, hovudsakleg i Møre og Romsdal.