Torsdag var det nyopning med kake og det som høyrer med på Ørsta torg. Sissel Andenes har utvida lokala sine i butikken Sissel Design, og fotograf Carl-Åge Henriksen har flytta inn ved sida av.
- Vi ønskjer å gjere alt for å skape aktivitet på Ørsta torg
– Vi heldt vel på til midnatt for å få alt ferdig, så vi har verkeleg stått på, seier dei to.
Henriksen opna tidlegare i veka, men det var først torsdag alt var klart både hos han og hos Sissel Design.
– Eg har merka det allereie. Eg får langt fleire kundar inn i butikken her enn i dei andre lokala. Eg er takknemleg for å fått denne moglegheita.
– No er det liv her. Det har gått i eitt sidan vi opna, seier Andenes.
Henriksen og Andenes har fått hjelp av mange med å få klar butikkane, og rettar ein stor takk til alle som her hjelpt dei.
Det er også gjort andre oppggradering av kjøpesenteret i høve nyopninga. Det er mellom anna montert ny heis, like ved inngangen til Sissel Design.
Andenes og Henriksen håper nyopninga skal bidra til å skape liv ved Ørsta torg og i Vikegata.
– Tilstrøymingar av folk i dag tyder iallfall på at dette er popoulært, seier Andenes.