Alle fire kommunane rapporterte for 1. halvår om fristbrot i undersøkingssaker. I Hareid var det fristbrot på 16 av 24 saker, eller 67 prosent. Ulstein i 13 av 26 saker, Volda i sju av 29 og Ørsta sju av 43.
Overgang
– I tillegg til mange fristoverskridingar, viser kontrollskjema at fleire undersøkingar har tatt svært lang tid, opp til eit år, nokre også over eit år. På bakgrunn av dei innrapporterte tala har fylkesmannen funne det nødvendig å gjennomføre tilsyn, melder direktør Christian Bjelke hos fylkesmannen.
Ei undersøking skal gjennomførast snarast og seinast innan tre månader.
Ifølgje barnevernsleiar Brynhild Solvang sin rapport til kommunestyra tidlegare i år, har årsakene til fristbrota i stor grad samanheng med overgangen til ei felles teneste for dei fire kommunane. Stort etterslep i særleg Ulstein og Hareid, ulike registreringsrutinar, mangel på felles kontorstad og ei utfordrande omstilling for alle tilsette vore nemnt som viktige årsaker til fristoverskridingane.