Aldri før har givarglede vore så stor i Ørsta som under årets TV-aksjon, der innsamlinga gjekk til Kirkens Nødhjelp sitt arbeid med å skaffe varig tilgang til reint vatn til ein million menneske.

Ørsta gav rundt 523.323 kroner, noko som gir eit snitt på 49,67 kroner. I fjor gav ørstingane i snitt 43,82 kroner. Då gjekk pengane til Nasjonalforeningen for folkehelsen sitt arbeid med demenssaka.

Totalt kom det inn 239,8 millionar kroner, ti millionar meir enn i fjor.

Les også: Rekordmange bøsseberarar

Botn på søre

Men sjølv om ørstingane gav som aldri før, gav dei minst av kommunane på Søre Sunnmøre, fordelt på innbyggjartal.

Mest gav dei i Herøy, der snittet var på 74,19 kroner per innbyggjar. Også Volda ligg føre med 50,90 kroner per innbyggjar, noko som gir ein total på i underkant av 453.500 kroner.

Snittet

Noreg 46,96

Herøy 74,19

Ulstein 68,89

Sande 67,64

Hareid 61,22

Vanylven 52,69

Volda: 50,90

Ørsta: 49,67

Svalbard gav mest, med eit snitt på 366,06 per innbyggjar, etterfulgt av Ustira i Rogaland med 311,71 kroner per innbyggjar.

Fullstendig oversikt finn du her.