– Eg trudde dette skulle gå gjennom no, og at planen skulle bli godkjent, seier ordførar Arild Iversen (KrF) i Volda.
I førre veke leverte fylkesmannen og fylkeskommunen nye motsegner og varsel om motsegner til kommunedelplanen for ny E39 mellom Volda og Furene (Voldatunnelen).
Planen inkluderer også næringsområdet på Furene. Her er det særleg fylkeskommunen som protestar, og seier nei til meir detaljhandel (kjøpesenter).
Fylket protesterer mot kjøpesenter i Furene – igjen
– Eg trudde vi hadde teke tilstrekkeleg omsyn til motsegnene som kom i første runde med offentleg ettersyn, og at vi ville får godkjent-stempel frå fylket og fylkesmannen no. Så eg er overraska over svara vi har fått, seier Iversen.
Han vil be om eit møte med fylket og fylkesmannen om saka så raskt som råd.