AS Norske Shell si forretning i Ørsta får løyve til å sleppe ut oljehaldig avlaupsvatn til den kommunale avlaupsleidningen.

Kommunen vurderer tiltaket som forsvarleg, og meiner dessutan at det vil hindre at oljehaldig avlaupsvatn kan gå til overvassleidninga ved uhell eller søling.

Kommunen registrerer at Shell til no har hatt mangelfull kontroll og journalføring av oljekonsentrasjon frå anlegget.

For å sikre tilstrekkeleg kontroll og journalføring av oljekonsentrasjon i avlaupsvatnet vert det sett krav til årleg rapportering til Ørsta kommune.

Løyvet er gjeve gjennom eit delegert vedtak frå administrasjonen i kommunen.