ADCOM har med dette no 10 kontor fordelt utover heile landet, alle som sjølvstendige aksjeselskap med lokale eigarar.

ADCOM kombinerer fordelen i å vere ein lokal aktør med nærleik til kundane, med fordelane som ligg i å vere knytt til ein leiande IT-leverandør for små og mellomstore bedrifter i Norge. Tenesteområda er leveranse av løysingar innan maskinvare, programvare, IT-sikkerheit, web, rekneskap/løn, kommunikasjon og konsulenttenester.

Voldingar

Avdelinga i Volda / Ørsta er underkontor for ADCOM / IT Data AS i Molde, og tilsette ved oppstart er voldingane Roar Vikene og Jan Tore Bjerkvik.

Bjerkvik er systemkonsulent med 10 års erfaring og har arbeidd ved hovudkontoret i Molde i 4 år. Vikene har 20 års bransjeerfaring og er ansvarleg for sal.

Hovudkontoret i Molde har ytterlegare 20 tilsette innan sal, drift og systemutvikling, og er ein betydeleg aktør i Møre og Romsdal.

ADCOM Søre Sunnmøre flyttar til R-Senteret i Hovdebygda når dette er klart etter oppussing, og har fram til dette adresse i Volda.