Samferdselsutvalet har sendt til høyring ei sak om etablering av ny ferjekai på Mork/Eikrem på sambandet Volda-Lauvstad.
Saka skal opp til handsaming i Volda kommunestyre 28. august. Rådmannen rår til at kommunestyret held på tidlegare vedtak om ferjekai i Volda sentrum, og ønskjer heller at fylkeskommunen prioriterer eit betra ferjetilbod med auka regularitet på strekninga Lauvstad-Volda.
Rådmannen rår også politikarane til å kome med ei fråsegn der dei bed fylkeskommunen om å snarast prioritere rassikring og opprusting av fylkesveg 40 rundt Dalsfjorden.