Vil ikkje ta over Vatnedalsvegen

Samfunnsutvalet i Ørsta er uroa over standarden på fylkesvegen i Vatnedalen etter at vegvesenet har asfaltert der.

Samfunnsutvalet var på synfaring i Vatnedalen denne veka, og seier etter synfaringa seg «sterkt uroa over den siste opprustinga av vegen med dagens breidde, utan skuldrer, høge kantar utan forbipassering, og rekkverk med utgroping rundt stolpane.» SFU ber administrasjonen fylgje opp saka før vegen vert overført til kommunen.

Statens vegvsen og fylkeskommunen har gjort det klart overfor Ørsta kommune og Volda kommune at vegen mellom Hunnes og Vatne skal verte kommunal. Kommunane har til no stritta i mot, og meiner prinsipielt at han framleis bør vere fylkesveg fordi han kan vere ein omkøyringsveg viss det skulle verte stenging av tunnelane mellom Hunnes og Volda t.d..