Sunnørsposten: Avtalen er ein såkalla «code share agreement», noko som betyr at folk kan flyge med begge flyselskap på same booking.

– KLM er ei av dei største merkevara vi har innanfor flymarkedet i Europa. No vil Ørsta/Volda kome inn på rutekartet til KLM. Det vil seie at dei som bestiller KLM-billett no får opp Hovden som alternativ å reise til, fortel kommunikasjonsdirektør Silje Brandvoll i Widerøe.

Startar 5. mars

Den nye avtalen mellom flyselskapa startar 5. mars, ifølge ei pressemelding sendt ut onsdag. Også Ålesund er omfatta av avtalen. Der vil det i første rekke vere aktuelt for dei som vil fly via Bergen og vidare til Amsterdam.

Widerøe håpar at deira destinasjonar i distriktsnorge vil bli markedsført stort i Europa.

– Til dømes kan folk no bestille ei reise frå Amsterdam til Hovden som ei KLM-reise frå A til Å. Det blir ikkje ei direkterute, men folk kan reise på same billett. Difor er dette positivt for Ørsta/Volda, meiner Brandvoll.

– Avhengig av næringslivet

Fungarande lufthamnsjef Terje Nergård seier seg samd i at dette vil vere positivt for flyplassen.

– Alle avtalar som kan betre forbindelsane norske og europeiske byer er bra for regionen vi bor i, seier han.

Han er spent på å sjå responsen frå det næringslivstunge kundegrunnlaget på Søre Sunnmøre.

– Det er for tidleg å seie kor mykje det vil bli benytta, og det vil bero på utviklinga i næringslivet. I hovudsak vil det truleg vere forretningsreisande som vil bruke tilbodet, sjølv om det naturleg nok også er ein moglegheit for private reiser, seier Nergård.

Denne saka vart først publisert av Sunnmørsposten.