Det har i helga vore tre tilfelle av lommeboktjuveri, melder politiet på Twitter.
Den første meldinga laurdag kom frå Kristiansund klokka 10.00. Vidare i Molde klokka 12.30 og i Ålesund klokka 16.30.
Alle tjuveria skjedde inne på butikkar.
Politiet skriv at det er snakk om to gjerningspersonar. Framgangsmåten dei har brukt er å avleie merksemda til eldre personar, og deretter stele lommebøkene deira som ligg i veska eller i handlevogna.
Dei to skal snakke gebrokkent norsk.
Politiet har meldt frå om tilfella til nærliggjande politidistrikt, men det har i løpet av helga ikkje kome inn fleire meldingar.