Det var i VG onsdag at granskinga vart presentert. Gjennomsnittleg i landet får 42 prosent av dei som vart råka sjukehusbehandling innan fire timar etter dei fyrste symptoma.
I nedslagsområdet til Volda sjukehus vert det reagert raskast i heile landet. Granskinga syner at 71,7 prosent av pasientane kjem under behandling innan fire timar etter symptomdebut, heiter det i VHG.
Dette er desidert best i landet, og vidare er det pasientar i nedslagsområda til sjukehusa i Vesterålen, Stavanger og Flekkefjord som kan håpe på raskast mogleg behandling.
Det står verst til i Oslo, Notodden, Kirkenes og Orkdal. I Orkdal er det berre 18,8 prosent av pasientane som kjem til behandling innan fire timar etter at symptoma vart oppdaga.
Symptom på hjerneslag:
* Halvsidig nedsett kraft i arm/bein.
* Talevanskar.
* Ansiktsskjeivheit.
Andre symptom:
* Nummenheit i ein kroppshalvdel.
* Synsforstyrringar.
* Nedsett balanse/koordinasjon
* Plutseleg eksplosjonsarta hovudpine.
Ved mistanke om hjerneslag:
* Ring 113 umiddelbart.
* Syt for å sikre pasienten frie luftvegar, og skap ro rundt vedkomande.
* Ver hos pasienten til helsepersonell kjem.