Kamera: Gunnar Knutsen (t.v.) i Ørsta Idrettspark står bak ideen om å dokumentere bygginga av fleirbrukshallen på grusbana. Denne veka gjorde Frank Olav Overå frå Elektroservice dei siste finjusteringane på dei to kameraa på taket på Idrettshallen. – No kan bygginga berre starte!
            (Foto: Janne-Marit Myklebust)

Kamera: Gunnar Knutsen (t.v.) i Ørsta Idrettspark står bak ideen om å dokumentere bygginga av fleirbrukshallen på grusbana. Denne veka gjorde Frank Olav Overå frå Elektroservice dei siste finjusteringane på dei to kameraa på taket på Idrettshallen. – No kan bygginga berre starte!Foto: Janne-Marit Myklebust

Dokumenterer bygginga av fleirbrukshallen

Tek 13.000 bilde

To kamera på taket på Idrettsbygget skal dokumentere bygginga av fleirbrukshallen på grusbana ved stadion.

– Dette er sakte-TV på sitt beste, gliser Gunnar Knutsen, mannen som nok har vore over snittet interessert i fleirbrukshall-saka i Ørsta gjennom Ørsta Idrettspark, i fleire år. Måndag var den offisielle startdatoen, der entreprenøren HS Bygg starta montering av gjerde rundt byggjeområdet.

– Vi har vore på plass med kamera sidan juli, då ridehallen ved grusbana vart riven, så vi er allereie godt i gang med å dokumentere, fortel Knutsen.

13.000 bilde

Frank Olav Overå frå Elektroservice var denne veka på plass på taket på Idrettshallen for å gjere nokre finjusteringar av kameraa. Kvart kamera tek eitt bilde i timen mellom klokka seks om morgonen og seks om kvelden. 12 bilde i døgnet i heile byggjeperioden fram til hallen står klar i november 2018, vert om lag 13.000 bilde, kan Gunnar Knutsen fortelje, etter ein rask konsultasjon med kalkulatoren på mobiltelefonen.

Dette skal så verte sett saman til ein såkalla timelaps, ein film der sakte-TV vert raskt-TV, ved at bilda vert sett saman til ein film. Filmen vil vise bygginga av hallen på eit par minutt. Undervegs i byggjeprosessen vert det mogleg å studere bilda på ei eiga nettside.

– Her får vi dokumentasjon både på bygginga og på vêrtilhøva i Ørsta, humrar Knutsen.

– Nettsida er ikkje oppe og går enno, men er rett rundt hjørnet, forsikrar han.

Og målet, utanom eigainteresse for hallen for Knutsen sjølv, er å skape engasjement og entusiasme for Ørsta si nye storstove for idretten.

Historisk

– Dette er for det første historisk. Her kan folk følgje med på det som skjer. Riving av Barnas Vel mellom anna. Dessutan er det ein fin måte å også nå ut til utflytta ørstingar, og vise dei at ting skjer. I staden for at vi feirar fleirbrukshallen når dørene opnar, startar vi allereie no, seier Knutsen.

Kameraa vert finansiert gjennom Ørsta Idrettspark, i tillegg til at Elektroservice også sponsar litt av utstyret.

Meir å lese på Møre-Nytt:
Kamera: To kamera er stilt inn mot byggeområdet på grusbana og i retning Barnas Vel. Kvart kamera tek eitt bilde i timen.
            (Foto: Janne-Marit Myklebust)

Kamera: To kamera er stilt inn mot byggeområdet på grusbana og i retning Barnas Vel. Kvart kamera tek eitt bilde i timen.Foto: Janne-Marit Myklebust

Dette vert lest no:

Tolv år og kyrkjeorganist

Eirik Stave er berre tolv år, men spelar kyrkjeorgel som om han ikkje skulle ha gjort anna.

Per Inge ryddar Ørsta

På 150 meter på Mosflata, samla Per Inge Rebbestad 14 sekkar med bos, isoporrestar, bildelar, oljetønner og restane av ei gatelykt.

Ny flyrute til Oslo

Widerøe aukar kapasiteten på Ørsta–Volda lufthamn, Hovden.

Takkar for gjevargleda

Leiaren for tv-aksjonen i Ørsta, varaordførar Karen Høydal, er sværet takksam for gjevargleda,

Ørsta legesenter skårar lågt

Ørsta Legesenter skårar lågt på Forbrukarrådet si rangering av informasjonsflyten og sørvisen hos landets fastlegekontor.

Skaut over 10.000 hjortar i Møre og Romsdal

Det er mange som likar hjortejakt i fylket vårt.