Utstilling: Olav Grimstad sine bilete vert å sjå under sommarutstillinga på Kunsthuset i Ørsta. Katharina Teige Førde vil stille ut teikningar på Kunsthuset.

Utstilling: Olav Grimstad sine bilete vert å sjå under sommarutstillinga på Kunsthuset i Ørsta. Katharina Teige Førde vil stille ut teikningar på Kunsthuset.

Sommarutstilling på Kunsthuset i Ørsta

Søndag 16. juli opnar Volda og Ørsta Kunstlag ny utstilling på Kunsthuset. Denne gongen er Olav Grimstad og Katharina Teige Førde utstillarar.

– Dette blir ei sommarutstilling med stor spenst. Olav Grimstad stiller ut akvarellar i første etasje, medan Katharina Teige Førde presenterer teikningar og skulpturelle objekt i streng i andre etasje. I praksis blir det to separatutstillingar, heiter det i ei pressemelding ifrå styret i kunstlaget.

Olav Grimstad

Olav Grimstad er oppvaksen i Ørsta, men har sidan 1977 budd og arbeidd i Hurum ved Oslofjorden. Der har han ved sidan av akvarellmalinga undervist i forming i ungdomsskulen. Han driv også sitt eige kunstgalleri og antikvariat. Den kunstnarlege utdanninga si har han frå kunststudium ved Manger Fylkesskule, Formingslærarskulen i Bergen og Universitetet i Oslo. Utover dette er han autodidakt i akvarellmaling, og har etter fleire tiår i faget opparbeidd ein grundig erfaringsbakgrunn og rutine.

Grimstad har teke del i ei lang rekke utstillingar sidan debuten i Ørsta i 1977. Fleire kommunar har kjøpt arbeida hans, og han har designa mange større og mindre grafiske arbeid, hefter, brosjyrer, plakatar, logoar og liknande. Han har også utført bokillustrasjonar. Grimstad fekk i 2004 Dan Anviks minnefonds ærespris og Hurum Kommunes kulturpris.

Katharina Teige Førde

Katharina Teige Førde bur i Ørsta. Ho tok mastergrad ved Kunsthøgskulen i Bergen, avd. for kunsthandverk og design i 1997, og ho har delteke på fleire separatutstillingar og kollektivutstillingar. Kunsten hennar er innkjøpt av både av Kulturrådet og Høgskulen i Volda. Ho har også bidrege med utsmykking av Kunnskapsparken i Molde. I 1998 fekk ho statens arbeidsstipend for yngre kunstnarar.

Om arbeidsprosessen fram mot utstillinga fortel Teige Førde at ho etter mange års tørke på teiknefronten har funne igjen gleda ved å teikne og opplever at ho gjennom teikninga kan leike seg, vere humoristisk, bruke grafisk presisjon og til tider nesten lage karikaturar. Alle teikningane er av menneskekroppen, menn og kvinner.

– Eg opplever at det å teikne kroki er som å gå inn i ein slags meditativ tilstand, der ein blir oppteken av å gjengi det ein ser, ikkje korleis andre menneske ser ut. Kroppsidealet forsvinn.

I tillegg til teikningar på papir, har Katharina Teige Førde også brukt stålstreng som teiknemedium.

Sommarutstillinga, som heng oppe til 12. august, er open kvar dag med unntak av søndagar i juli. I august er kunsthuset ope torsdag til laurdag.

Meir å lese på Møre-Nytt:
Dette vert lest no:

Sokneprestane svarar Hans Reite

- I våre auge forkludrar Reite den heilt grunnleggande kristne tanken om at menneska er skapte i Guds bilete, sjølvsagt heilt uavhengig av til dømes seksuell legning.

Black Friday

Økonomen Thomas sparte 11.500

- Men gå ikkje inn og dra kredittkortet blindt

Må kutte 300-450 millionar

Dramatisk situasjon for sjukehusa i fylket.

Hans Reite og homofili

Homo-aksjon mot Nytt Livs senter

- Dei skal ikkje buse fram slik, seier Hans Reite.

Porsekjellaren er tilbake

Gjenopning av klassisk utestad

Håper på gangveg til Vatne

– For ti år sidan byrja eg å sykle frå Vatne til Ørsta. På desse ti åra har trafikken auka mykje. No vert eg engsteleg av å sykle denne strekninga.