Ny leiar: Joar Gjerde (42) tek over som dagleg leiar i Frøy.
(Foto: Vikebladet Vestposten)

Ny leiar: Joar Gjerde (42) tek over som dagleg leiar i Frøy. Foto: Vikebladet Vestposten

Holsvik sluttar som dagleg leiar

Leiarskifte i Frøy

Joar Gjerde (42) tek over som dagleg leiar i Frøy AS, etter at gründer Torstein Holsvik har valt å slutte i stillinga.

Frøy Vest AS og Frøy Vest Rederi AS driv med sørvisarbeid inn mot havbruksnæringa, i tillegg til dykkarinspeksjonar. Selskapa har base i Måløy, Florø og Ørsta.

Totalt opererer selskapet 20 fartøy, og har om lag 140 tilsette. Selskapet er i ekspansjon, og har for tida fartøy under bygging.

Selskapa har gjort endringar i leiinga for å ta vare på vidare vekst og ekspansjon, vert det opplyst i ei pressemelding frå selskapet. Ny dagleg leiar er Joar Gjerde (42) og mannskapssjef Brit Ytrebø (51).

Joar Gjerde har brei erfaring innanfor den maritime næringa, og kjem frå stillinga som salssjef i ABB Marine, der han hadde ei global rolle innan sal og marknadsføring av utstyr til offshorefartøy.

Før han byrja i ABB, hadde Gjerde fleire års erfaring frå salsavdelinga på Ulstein Verft der han den siste perioden var salssjef. Joar er utdanna siviløkonom frå HHB.

Brit Ytrebø har meir enn 20 års erfaring innanfor reiarlagsverksemd, og kjem frå stillinga som mannskapssjef i REM Maritime AS. Brit har økonomibakgrunn og har tidlegare også jobba i banknæringa.

– Brei leiarerfaring

– Vi er svært tilfreds med at Joar Gjerde og Brit Ytrebø har takka ja til å gå inn i desse nye stillingane. Begge har brei leiarerfaring frå store nasjonale og internasjonale selskap, god forretningsmessig forståing, og vi er trygge på at dei har dei eigenskapane som skal til for å skape vekst og gode økonomiske resultat for Frøy Vest AS og Frøy Vest Rederi AS framover, seier eigar og styreleiar Helge Gåsø i Frøygruppen.

Joar Gjerde tek over stillinga som dagleg leiar etter Torstein Holsvik. Han vil halde fram i selskapa inntil vidare, og vil vere ein viktig ressurs for ny dagleg leia i introduksjonsfasen, heiter det i pressemeldinga.

– Det er med stort engasjement og stoltheit eg har takka ja til å verte Frøy Vest sin nye daglege leiar og ein del av Frøygruppa.

Frøy Vest AS og Frøygruppa er ein av de største aktørane innanfor sørvistenester til havbruksnæringa, og har ein solid posisjon i marknaden. Vi har gode føresetnader for å lykkast vidare, og eg gler meg til å verte kjend med denne bransjen, seier Joar Gjerde.

Meir å lese på Møre-Nytt:

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Går av: Torstein Holsvik går av som dagleg leiar i Frøy AS.
(Foto: Roy-Arne Folkestad)

Går av: Torstein Holsvik går av som dagleg leiar i Frøy AS. Foto: Roy-Arne Folkestad

Dette vert lest no:

Omorganiseringar ved AV-senteret

Nettskule frå Volda til Aurskog

Norsk Nettskole og Pedit flyttar frå Volda til Aurskog.

Satsar på ny utekino

I fjor haust kom det over hundre for å sjå grøssaren «De dødes tjern». Til hausten satsar Hjørundfjord filmteater på utekino nok ein gong.

Synnøve er ny formidlar i Aasen-tunet

– Eg er oppteken av å spreie kunnskap om nynorsk og forklare kva som var bakgrunnen for at han kom. Som formidlar i Aasen-tunet får eg drive med det eg brenn for, seier ho.

Lause hestar i Ørsta

- Mann med gulrøter observert springande etter.

– Vil samle bygdefolket på Vartdal

Frå torsdag 24. august til og med søndag 27. august vert årets Vartdalsstranddagar halde.

Den nye hotelleigaren ser eit stort potensial i Hotell Ivar Aasen

– Dess meir eg har vore på Hotell Ivar Aasen, dess meir smiler eg. Dette hotellet har enormt potensial!

Cupkamp framskunda til onsdag

Volda møter neste hinder i NM allereie onsdag kveld, når Førde kjem til Voldahallen.

Kranseskål for det nye legesenteret

- Dette vert eit fantastisk bygg

Bygginga av det nye legesenteret er i rute.

Håskjold Nyland ute av landslaget

Voldingen Ørjan Håskjold Nyland er vraka frå landslaget i fotball.

Har fått første avling av økologiske grønsaker

Kål i mange variantar, bønner, erter, gulrot, fennikel og salat. Det bognar av økologiske godbitar i grønsaksåkeren til Ørsta andelsgard for tida.