Sei er ein fisk i torskefamilien og er ein av våre viktigaste matfiskar. Sei kan bli opptil 120 cm og vege over 20 kg. Langs kysten vår vert ofte sei referert til på grunn av størrelse, på vestlandet kallast småsei for mort og mellomstor sei for pale. Lenger nordover seier ein småsei, stabbsei og storsei for å referere til størrelsen.
Sei er eit heilnorsk naturprodukt og dersom du ikkje har ein hobbyfiskar i familien som dreg garn på sjøen, kan ein kjøpe fersk seifilet i ferskvaredisken eller frosen seifilet frå frysedisken på butikken. Seifilet er perlegrå i fiskekjøtet i motsetnad til den kvitare torskefileten, men ved varmebehandling vert fiskekjøtet lyst og delikat. Sei har meir tydlegare smak enn torsk og har derfor meir karakteristisk smak enn andre kvite fiskar.
Har du enda ikkje oppdaga den fantastiske seien? Sei har god smak som alle i familien likar, den er tilgjengeleg heile året og billig å kjøpe. I denne helga si oppskrift finn du alle dei beste smakane i ei og same form, sei, reker og grønsaker omnsbakt i ein skaldyrsaus – kan det blir betre?
Ingrediensar til 4 porsjonar
600 g seifilet, utan skinn og bein
500 g reker, med skal
1 stk. gulrot
1 stk. sjalottlauk
1 ss smør
1 ss tomatpuré
1 dl vatn
1 ss sitronsaft
2 dl kremfløyte
3 stilkar timian, frisk
salt og pepar
Set steikeomnen på 200 °C. Skjer seien i porsjonsstykke og reinsk rekene. Ta vare på rekeskala.
Legg seistykka i ei smurt, eldfast form.
Skjer gulrot og sjalottlauk i små terningar, og fres det i smør til lauken er blank.
Rør inn rekeskal og tomatpuré, og la det frese eit par minutt.
Slå på vatn og sitronsaft, og la det koke inn til veska er halvert.
Tilsett kremfløyte, timianstilkar og la sausen småkoke under lok i 15–20 minutt.
Sil sausen og klem ut så mykje veske av rekeskala som mogleg.
Smak til med salt og pepar.
Slå sausen over seien, dekk til med aluminiumsfolie og bak i steikeomnen i ca. 15 minutt.
Ta ut forma og ha i rekene dei siste minuttet av steiketida.
Tilbehøyret kan varierast i det uendelege, men det smakar godt saman med blanda salat og flatbrød. Du kan også ha fullkornsris eller byggris til, som er eit sunt og godt alternativ.
