Tiltalt for tjuveri i Ørsta

Ein mann i 40-åra, busett i Langevåg, er sett under tiltalte for ei rekkje tjuveri og narkotikalovbrot på Sunnmøre.
Nyheiter

Ifølgje tiltalen skal mannen i august 2015 ha stole ei rekkje gjenstandar i Ørsta. Diverse sølvtøy, ammunisjonskasse, diverse ammunisjon, antikvitetar og dokument står på lista over gjenstandar som mannen skal ha stole. Mannen er i og tiltalt for fleire tjuveri andre stadar på Sunnmøre.

Det er fleire tiltalepunkt mot mannen som omhandlar narkotika. Mannen skal ifølgje tiltalen ha oppbevart hasj, amfetamin, GHB og cannabis ved ulike høve. Mannen er og tiltalt for ulovleg oppbevaring av ammunisjon.