Volda formannskap har oppretta ei nemnd som skal vurdere namn/kommunevåpen for den nye kommunen Volda-Hornindal, og ei nemnd som skal vurdere korleis den nye kommunen skal verte organisert. Volda og Hornindal vert slått saman frå 2020.

Kvar nemnnd skal vere sett saman av tre frå Volda og tre frå Hornindal.

Frå Volda skal Kari Hasle og Odd A. Folkestad inn i nemnda for heraldikk (namn). Jon Tvinnereim vart foreslått som leiar for nemnda, men dette vart det ikkje gjort vedtak om, då saka vart utsett.

Til organisasjonsutvalet vart Jørgen Amdam, Rebecca Riise Bjerknes og Arild Iversen valde, med Dan Helge Bjørneset og Hild Våge som vara.

Saka skal opp til avgjerd i kommunestyret.