- Coop ønskjer å satse på ein ny og større butikk på Ose. Løysinga medfører også at Europris kan satse på ein større butikk i Ørsta når dei overtek lokala til daglegvarekjeda Extra (tidlegare Coop Extra, journ. merk.) på Amfi, skriv Coop Vest i ei pressmelding fredag ettermiddag.

Coop skal erstatte dagens Extra-butikk med ein ny butikk på den gamle Prix-tomta på Ose, altså ved sida av Rema 1000. Denne blir bygt dersom dei får godkjent reguleringsplanen som er lagt fram.

- Vi gler oss til å ønskje kundane og medeigarane våre velkomen til ein splitter ny butikk på Ose. Samtidig takkar vi for oss i Amfi-senteret og ønskjer Europris lykke til i dei noverande lokala våre, seier Geir Espe, adm.dir. i Coop Vest, i pressemeldinga.

Extra-butikken stenger etter planen 25. mars, altså allereie før påske.

- Den nye butikken på Ose blir ein av dei flottaste i Noreg, lovar Coop Vest.

Ose: Den nye butikken skal byggast der Prix-butikken på Ose låg tidlegare, altså ved sida av Rema 1000. Foto: Janne-Marit Myklebust