Denne veka kjem DAB-campingvogna til Ørsta. Då kan radiolyttarane få meir informasjon om overgangen til det nye radiosystemet.

Det er «Radioskiftets Norgesturne» som reiser landet rundt med gode tips og svar på spørsmål om DAB, digitalradio og landets 30 riksdekkjande radiokanalar.

Dei har ei eiga Facebookside om turneplanane. Denne veka kom campingvogna til Kristiansund, og turen går etter kvart sørover i fylket, til Molde, Sula, Ålesund og Ørsta. Truleg er vogna i Ørsta laurdag.

Komande veke held turneen fram med turar til Volda, Geiranger, Åndalsnes og Sunndalsøra.

Erfaringane så langt er at lyttarane er mest opptekne av korleis dei skal få DAB-signala inn i bilen.