Dårlege tunnelar: – Rv. 15 er i så dårleg forfatning at han har stor avvisingseffekt for godstransport, meiner Jørgen Amdam. Både tunnelane og rasfaren ute i dagen er problematisk, meiner han.

Dårlege tunnelar: – Rv. 15 er i så dårleg forfatning at han har stor avvisingseffekt for godstransport, meiner Jørgen Amdam. Både tunnelane og rasfaren ute i dagen er problematisk, meiner han.

Ordførar Jørgen Amdam:

Ønskjer rv. 15 og 52

Ordføraren i Volda stiller seg bak kravet om Hemsedalsfjellet som hovudveg mellom aust og vest, men ønskjer også nye tunnelar på Strynefjellet.

– Volda kommune støttar heilt og fullt opp om Statens vegvesen si tilråding der de legg til grunn rv. 52 Hemsedalsfjellet som hovudveg aust-vest, i tillegg til E134 Haukelifjell, skriv ordførar Jørgen Amdam i brevet til Statens vegvesen.

Det er allereie avgjort at E134 skal vere den sørlege stamvegen mellom aust og vest. No står kampen om den nordlege stamvegen mellom rv. 7 over Hardangervidda og rv. 52 over Hemsedalsfjellet. Interesser i Bergens-området ønskjer Hardangervidda, medan Sogn og Fjordane, Sunnmøre og delar av Hordaland ønskjer Hemsedalsfjellet.

Vegvesenet tilrår rv. 52

Statens vegvesen har landa på rv. 52 som det beste alternativet, men har sendt saka ut på høyring før regjeringa kjem med si innstilling i samband med framlegginga av Nasjonal transportplan (NTP) til våren.

Amdam meiner hemsedalsvegen er viktig, fordi han vil gi redusert reisetid og transportkostnader for både nærings- og persontransport, og fordi han vil gi betre vinterregularitet mellom Søre Sunnmøre og Austlandet.

Strynefjellet

Amdam meiner likevel at det i tillegg er naudsynt med opprusting av rv. 15 over Strynefjellet.

– Rv. 15 er i så dårleg forfatning at han har stor avvisingseffekt for godstransport. Både dårlege tunnelar og rasfare elles på vegen medverkar til dette. Vi ber om at ny tunnel på Strynefjellsvegen blir bygd. Den nye tunnelen må eliminere problema med dagens tunnelar og dei rasutsette strekningane som ligg i dagen. Tiltaket vil avlaste E136 (gjennom Romsdalen, journ.merk.), i tillegg til å syte for betre utnytting av potensialet til Kvivsvegen og Eiksundsambandet.

Geiranger

Ordføraren ber også om at ei opprusting av Strynefjellsvegen inkluderer ei tunnelarm til Opplendskedal ved Geiranger.

– Tiltaket vil utløyse heilårsturisme i Geiranger-området og føre til auka omsetning for reiselivsbransjen i heile Sør-Noreg.

Meir å lese på Møre-Nytt:

Møre-Nytt ynskjer ein open og sakleg debatt. Alle innlegg vert kontrollerte etter publisering. Innlegg kan verte forkorta, redigerte eller fjerna. Det fulle namnet ditt må anten gå fram av e-postadressa, brukarnamnet eller Facebook-profilen din.

Dette vert lest no:

Den nye hotelleigaren ser eit stort potensial i Hotell Ivar Aasen

– Dess meir eg har vore på Hotell Ivar Aasen, dess meir smiler eg. Dette hotellet har enormt potensial!

Cupkamp framskunda til onsdag

Volda møter neste hinder i NM allereie onsdag kveld, når Førde kjem til Voldahallen.

Kranseskål for det nye legesenteret

- Dette vert eit fantastisk bygg

Bygginga av det nye legesenteret er i rute.

Håskjold Nyland ute av landslaget

Voldingen Ørjan Håskjold Nyland er vraka frå landslaget i fotball.

Har fått første avling av økologiske grønsaker

Kål i mange variantar, bønner, erter, gulrot, fennikel og salat. Det bognar av økologiske godbitar i grønsaksåkeren til Ørsta andelsgard for tida.

No skal bloggar Marna danse for folket

Den utflytte Ørsta-bloggaren Marna Haugen Burøe har mista både matlysta og nattesøvnen etter at ho sa ja til å vere med i det populære TV-programmet «Skal vi danse».

SV møtte Utdanningsforbundet i Ørsta

Samde om lærartettleik

– Eit av våre fem hovudkrav for å støtte ei ny regjering er å få på plass ein nasjonal norm for lærartettleik som gjeld heilt ned på skulenivå.

Her er Ørsta sine håp

Hovudsponsorane spanderte søndag fest på Ørsta-spelarane som deltok på tre store cupar.