– Mange ørstingar støttar kalendersalet vårt kvart år og det er gledeleg. Inntektene går til gode føremål, fortel Lions-president Stig Amdam og leiar i kalenderkomiteen, Arnór Sigurvinsson.
Kalenderen for 2017 er den trettisjette kalenderen frå Lions i Ørsta. Han er trykt opp i 800 eksemplar. Motiv og tekst er denne gongen plukka ut og skrive av Jostein O. Mo.
Laurdagane fram mot jul kjem medlemmer i Lions til å stå utanfor butikkar i Ørsta og selje kalenderen.
– Næringslivet har gitt oss god støtte, og 84 bedrifter har kjøpt støtteannonse og kjøpot nær 200 kalebndrar. dette set vi stor pris på. inntektene går m.a. til prosjektet Mitt val i Ørsta, fortel Lions.