Administrasjonen i fylkeskommunen tilrår at Regional- og næringsutvalet tildeler 600.000 til arbeidet med ny utviklingsplan for Ørsta sentrum.
Utviklingsplanen er framhaldet av Europan-konkurransen, og blir utarbeidd i samarbeid mellom Ørsta kommune og dei danske arkitektane. Regional- og næringssjef Bergljot Landstad i fylkeskommunen er positiv til prosjektet, og går inn for at fylkeskommunen finansierer halvparten av planen.
Planen er forankra i fylkesplanen for Møre og Romsdal for 2013-2016, der hovudmålet er at Møre og Romsdal skal ha vekstkraftige lokalsamfunn med urbane kvalitetar og eit internasjonalt konkurransedyktig næringsliv. Den andre halvparten av planen skal i hovudsak finansierast av Ørsta kommune.